عمرك حسيت ان كل حاجة حواليك مش طايقاك ؟؟ .. عمرك حسيت ان كل حاجة بتديك ظهرها ؟؟
هذه الايام احس هذا الاحساس بشدة .. كل اللى اعرفهم مش طايقنى ولو محدش قالها صريحة .. بتعرف من نظرات زى ما يكون بتقول : انت تااانى؟ ايه المملة دى؟
حتى الجوامد بحسها مش طيقانى .. مرة بصيت على الاباجورة اللى جنب سريرى لقيتها مديانى ظهرها !!
عارفة انه كلام عبيط بس مش قادرة اقاوم هذا الاحساس .. حتى اقرب الناس ليا .. ودا اكتر شئ قتلنى
الغريب بقى ان الواحد عادة ما يواجه الأوقات اللى زى دى بعصبية ويكتئب ويتوحد ومن ثم الانتحار فورا .. :))
الحمد لله احس ببرود فى الاعصاب لا متناهى .. وكمان تناحة لا متوازية .. واللى يكشر فى وشى بضحك عليه
واللى يصدنى بعمل من بنها (على رأى واحدة صاحبتى) .. يعنى بجرب حل جديد يمكن يكون دا حل المشكلة
على العموم عشان مبقاش زنانة بس ونكدية خدوا اللينك دا اقراوه
والسلام ختام
No comments:
Post a Comment